اوورسیز پاکستانیز اوورسیز پاکستانیز

ٹرمپ کا واشنگٹن کی بشپ کو بدتمیز قرار دیتے ہوئے معافی کا مطالبہ

اتوار 07 دسمبر 2025ء

---

واشنگٹن ڈی سی ( اے ایف پی ) ڈونلڈ ٹرمپ نے اقتدار سنبھالتے ہی اپنے جارحانہ عزائم دکھاتے ہوئے سخت رویہ اپنا لیا ۔ انہوں نے واشنگٹن کی ایک بشپ کو بدتمیز کہہ دیا اور ان سے معافی کا بھی مطالبہ کردیا۔ اے ایف پی کےمطابق بشپ نے امریکی صدر سے کہا تھاکہ وہ ملک میں تارکین وطن میں خوف پھیلا رہے ہیں ۔

اس بیان کے بعد امریکی صدر نے اپنے سوشل میڈیا پلیٹ فارم پرلکھا کہ منگل کی صبح نیشنل پریئر سروس میں تقریرکرنے والی نام نہاد بشپ ایک انتہا پسند بائیں بازو کی سخت گیر ٹرمپ سے نفرت کرنے والی تھی۔واشنگٹن کے ایپسکوپل ڈائوسیس کی بشپ ماریان ایڈگر بڈے کی طرف سے دی گئی  سروس میں وہ غیر مہذب طریقے سے آئیں ۔ ٹرمپ نے مزید لکھا کہ سیاست کی دنیا میں وہ اپنے چرچ کو انتہائی غیرمہذب طریقے سے لے کر آئیں۔ ان کا لہجہ ناگوار تھا۔انہیں  معافی مانگنی چاہیے ۔