متحدہ عرب امارات متحدہ عرب امارات

شیخ احمد بن سعید کی زیرصدارت دبئی ہیلتھ بورڈ کا اجلاس، ٹیکنالوجی و انوویشن سینٹر کا افتتاح

پیر 15 ستمبر 2025ء

---

دبئی:(نمائندہ خصوصی) دبئی ہیلتھ بورڈ آف ڈائریکٹرز کے چیئرمین شیخ احمد بن سعید المکتوم نے دبئی ہیلتھ کے سینٹر فار انوویشن اینڈ ٹیکنالوجی کا باضابطہ افتتاح کیا۔ یہ نیا مرکز ایک اسٹریٹجک پلیٹ فارم کے طور پر قائم کیا گیا ہے جس کا مقصد اعلیٰ معالجین، محققین اور جدت پسند ماہرین کو یکجا کر کے ایسی جدید حل تیار کرنا ہے جو مستقبل میں معیاری صحت کی خدمات کو مزید فروغ دیں گے۔

یہ افتتاح دبئی ہیلتھ بورڈ آف ڈائریکٹرز کے اجلاس کے دوران کیا گیا جس کی صدارت شیخ احمد بن سعید المکتوم نے کی۔ اجلاس میں بورڈ کے ارکان، بشمول ڈاکٹر رجا عیسیٰ القرق، عبداللہ عبدالرحمن الشیبانی، پروفیسر سر ایان اینڈریو گریئر، ولید سعید الاوعیدی، معالی محمد حسن الشیہی اور دبئی ہیلتھ کے سی ای او ڈاکٹر عامر شریف شریک ہوئے۔

اجلاس کے دوران ارکان نے ادارے کی اہم کامیابیوں کا جائزہ لیا اور جاری منصوبوں کی پیشرفت پر بریفنگ حاصل کی جن کا مقصد مریضوں کی دیکھ بھال کو بہتر بنانا اور دبئی میں صحت کی خدمات کے معیار کو بلند کرنا ہے۔

شیخ احمد بن سعید المکتوم نے اجلاس سے خطاب کرتے ہوئے کہا کہ:

\"ہم مستقبل کی جانب پُرعزم انداز میں بڑھ رہے ہیں جہاں صحت کے شعبے میں جدت اور جدید ٹیکنالوجی بنیادی حیثیت رکھتی ہیں۔ دبئی ہیلتھ کا انوویشن اینڈ ٹیکنالوجی سینٹر ایک ایسا پلیٹ فارم ہے جو ماہرین، ٹیلنٹ اور تخلیقی نظریات کو یکجا کر کے ایسے حل فراہم کرے گا جو انسانی صحت پر حقیقی اثر ڈالیں گے۔\"

انہوں نے ڈاکٹر رجا عیسیٰ القرق اور ڈاکٹر امینہ الروستمانی کے تعاون کو بھی سراہا جن کی معاونت سے اس جدید مرکز کے قیام کو ممکن بنایا گیا۔