کھیل کھیل

ٹی 20 ورلڈ کپ 2026 کی ممکنہ تاریخیں سامنے آگئیں

ہفتہ 02 مئی 2026ء

---

(نمائندہ خصوصی): آئی سی سی ٹی 20 ورلڈ کپ 2026 ممکنہ طور پر 7 فروری سے 8 مارچ تک کھیلا جائے گا جس میں بھارت اور سری لنکا میزبان ہوں گے۔

ٹی 20 ورلڈ کپ 2026 کے میچز بھارت کے پانچ اور سری لنکا کے دو مقامات پر ہوں گے، فائنل احمد آباد یا کولمبو میں ہونے کا امکان ہے۔

آئی سی سی ابھی بھی شیڈول کو حتمی شچکل دے رہا ہے جبکہ پہلے ہی ونڈو کی نشاندہی کردی گئی ہے اور شریک ممالک کو بھی آگاہ کردیا گیا ہے۔

ٹورنامنٹ کا فارمیٹ وہی ہوگا جو ویسٹ انڈیز اور امریکا میں کھیلے گئے 2024 ٹی 20 ورلڈ کپ میں تھا۔

ٹیموں کو چار گروپس میں تقسیم کیا جائے گا، ہر گروپ سے ٹاپ دو سپر ایٹ مرحلے میں آگے بڑھیں گے، جو پھر چار کے دو گروپس میں تقسیم ہوں گے۔