تازہ ترین تازہ ترین

پروفیسر ملک نعیم اختر کو متحدہ عرب امارات میں تعلیمی شعبے میں دہائی بھر کی خدمات پر خراجِ تحسین

اتوار 02 اگست 2026ء

---

ابوظہبی (جانب منزل نیوز)متحدہ عرب امارات میں تعلیم کے شعبے میں غیرمعمولی خدمات سرانجام دینے پر پروفیسر ملک نعیم اختر کو خراجِ تحسین پیش کیا گیا ہے۔ ابوظہبی ڈیپارٹمنٹ آف ایجوکیشن اینڈ نالج (ADEK)، وزارت تعلیم، اور ایمریٹس اسکولز اسٹیبلشمنٹ (ESE) کے تحت گزشتہ دس برسوں کے دوران اُنہوں نے اپنی انتھک محنت، علمی وابستگی اور مثالی تدریسی انداز سے نوجوان نسل کی ذہنی نشوونما میں نمایاں کردار ادا کیا۔

پروفیسر ملک نعیم اختر متحدہ عرب امارات کے تعلیمی منظرنامے میں ایک نمایاں مقام رکھتے ہیں۔ اُن کی تدریس سے محبت، تدریسی طریقہ کار میں جدت اور طلبہ کی صلاحیتوں کو نکھارنے کی کوششوں کو وسیع پیمانے پر سراہا گیا ہے۔ گزشتہ ایک دہائی میں اُنہوں نے نہ صرف تعلیمی معیار کو بہتر بنانے میں کردار ادا کیا بلکہ تنقیدی سوچ کو فروغ دینے اور اساتذہ و طلبہ دونوں کی رہنمائی میں بھی کلیدی کردار ادا کیا۔

اساتذہ اور طلبہ کی جانب سے اُنہیں ان کی عاجزی، پیشہ ورانہ مہارت اور تعلیمی خدمات کے اعتراف میں بھرپور خراجِ تحسین پیش کیا گیا ہے۔

اُن کی غیر معمولی خدمات کے اعتراف میں اب پروفیسر ملک نعیم اختر کو چین کے ایک بین الاقوامی اسکول میں اہم تدریسی منصب کی پیشکش کی گئی ہے، جہاں وہ آئندہ تعلیمی سال سے اپنی نئی ذمہ داریاں سنبھالیں گے اور عالمی سطح پر تعلیم کے شعبے میں اپنی خدمات جاری رکھیں گے۔ یواےای کی تعلیمی برادری پروفیسر ملک نعیم اختر کو دلی نیک خواہشات اور دعاؤں کے ساتھ رخصت کر رہی ہے۔ اُن کی خدمات کا سنہری باب ہمیشہ یاد رکھا جائے گا۔

ہم دعاگو ہیں کہ پروفیسر صاحب کا نیا سفر کامیابی، عزت اور کامرانی سے ہمکنار ہو