نئے صوبوں کی تشکیل پر پارلیمنٹ کا اختیار حتمی، ریفرنڈم بھی فیصلہ کن نہیں ہوگا: رانا ثنا اللہ

اسلام آباد (جانب منزل نیوز) وزیراعظم کے مشیر رانا ثنا اللہ نے نئے صوبوں کی تشکیل کے معاملے پر واضح کیا ہے کہ ریفرنڈم ہو بھی جائے تو حتمی فیصلہ پارلیمنٹ نے ہی کرنا ہے۔
رانا ثنا اللہ کا کہنا تھا کہ صوبوں کی تشکیل کا معاملہ ابھی پارلیمنٹ میں پیش نہیں ہوا۔ جب یہ معاملہ ایوان میں آئے گا تو حکومت اپنی پالیسی اسٹیٹمنٹ دے گی اور اس پر تفصیلی بحث کی جائے گی۔
انہوں نے کہا کہ ریفرنڈم کرانے کا اختیار بھی پارلیمنٹ کے پاس ہے، اس لیے نئے صوبوں کے مستقبل کا فیصلہ پارلیمانی فورم پر ہی ہوگا۔