پاکستان کی برآمدات میں ایک ارب تیس کروڑ ڈالرز کی کمی کا انکشاف

اسلام آباد ( جانب منزل نیوز) 13ماہ میں پاکستان کی برآمدات میں ایک ارب تیس کروڑ ڈالرز کی کمی کا انکشاف ،افغان ٹرانزٹ آمدن میں 20 کروڑ ڈالرز کمی ریکارڈ؛ لاگت میں اضافے سےگوشت اور فارماسیوٹیکلز جیسے اہم شعبے متاثر ہوئے ۔
وفاقی وزارت تجارت کی دستاویز کے مطابق افغانستان کے ساتھ تنازع کے نتیجے میں اکتوبر دو ہزار پچیس سے اب تک تیرہ ماہ کے عرصے میں پاکستان کی برآمدات میں ایک ارب تیس کروڑ ڈالرز کی کمی ہوئی جبکہ ٹرانزٹ آمدن میں بیس کروڑ ڈالرز کی کمی ریکارڈ کی گئی۔
پاکستان نے ایرانی کوریڈور کے ذریعے وسطی ایشیائی ریاستوں کو برآمدات میں معمولی اضافہ کیا ہے، پاکستان کی وسطی ایشیائی ریاستوں کو برآمدات دو ہزار چوبیس، پچیس میں اڑتیس کروڑ ڈالرز سے بڑھ کر دو ہزار پچیس، چھبیس میں انتالیس کروڑ بیس لاکھ ڈالرز ہو گئی ہیں۔ ٹرانزٹ لاگت اور وقت میں اضافے کے باعث گوشت اور فارماسیوٹیکلز جیسے اہم شعبے متاثر ہوئے ہیں۔