لاہور (جانب منزل نیوز) پاکستانی کرکٹ ٹیم بدترین زوال کا شکار ہوگئی ہے۔ تاریخ میں پہلی بار سب سے کم ترین رینکنگ 9 ویں پوزیشن پر پہنچ گئی ہے۔
بنگلہ دیش کے بعد انگلینڈ میں بھی پاکستانی ٹیسٹ کرکٹ ٹیم کو بدترین شکست کا سامنا کرنا پڑا ہے اور قومی ٹیم کو برطانوی ٹیم نے کلین سویپ کیا ہے۔
مسلسل ہار کے بعد پاکستان رینکنگ میں آٹھویں پوزیشن سے 9 ویں پوزیشن پر پہنچ گیا ہے جبکہ بنگلہ دیش سے شکست کے بعد پاکستانی ٹیم کی رینکنگ 6 سے 8 ہوگئی تھی۔
پاکستانی کرکٹ ٹیم کی ٹیسٹ میں یہ کم ترین رینکنگ اور پوائنٹس ہیں ۔ مصباح الحق کی قیادت میں پاکستان اگست 2016ء میں عالمی نمبر ایک ٹیسٹ ٹیم بھی رہ چکا ہے۔
