شیخ محمد بن راشد کی نئی نظم، امارات اور ابو خالد کے ساتھ مشترکہ سفر کا عزم

دبئی (جانب منزل نیوز) متحدہ عرب امارات کے نائب صدر، وزیراعظم اور دبئی کے حکمران شیخ محمد بن راشد المکتوم نے اپنی نئی نظم میں وطن سے محبت اور صدر شیخ محمد بن زاید النہیان کے ساتھ مضبوط رفاقت اور مشترکہ سفر کا اظہار کیا ہے۔
نباتی شاعری کے انداز میں لکھی گئی اس نظم میں شیخ محمد بن راشد نے متحدہ عرب امارات کے حسن، عظمت، طاقت اور قومی وقار کو دلکش الفاظ میں بیان کیا ہے۔
نظم میں امارات کو سمندر کی گہرائیوں سے حاصل ہونے والے قیمتی موتی سے تشبیہ دی گئی ہے، جو ملک کی بحری تاریخ اور وطن سے گہری محبت کی عکاسی کرتی ہے۔
شیخ محمد بن راشد نے امارات کی بہادری، عزم، استقامت اور مشکلات کا مقابلہ کرنے کی صلاحیت کو بھی خراج تحسین پیش کیا۔
نظم کے اختتام پر صدر شیخ محمد بن زاید النہیان، جنہیں محبت سے ’’ابو خالد‘‘ کہا جاتا ہے، کے ساتھ اپنی مضبوط رفاقت اور مشترکہ وژن کا اظہار کرتے ہوئے کہاابو خالد اور میں ایک ہی راستے پر ہیں۔
یہ شاعری متحدہ عرب امارات کی قیادت کے باہمی اعتماد، اتحاد اور ملک کی ترقی و خوشحالی کے مشترکہ عزم کی بھرپور عکاسی کرتی ہے۔