سری لنکا کے خلاف ٹیسٹ سیریز ،،،، بابر اعظم کپتان برقرار

لاہور (جانب منزل نیوز) پی سی بی نے سری لنکا کے خلاف ہوم ٹیسٹ سیریز کے لیے 14 رکنی قومی اسکواڈ کا اعلان کردیا ہے۔ بابر اعظم ٹیم کی قیادت کریں گے، جبکہ تین نوجوان کھلاڑی پہلی مرتبہ ٹیسٹ اسکواڈ کا حصہ بن گئے ہیں۔
اعلان کردہ اسکواڈ میں سمیع منہاس، محمد طحٰہ اور محمد سلیمان کے علاوہ عبداللہ فضل، عرفات منہاس، اذان اویس، محمد عباس، رضا اللہ، سعود شکیل، غازی غوری، سعد بیگ، سلمان آغا اور علی عثمان شامل ہیں۔
چیئرمین پی سی بی سید محسن رضا نقوی نے اس سے قبل کہا تھا کہ ٹیسٹ اسکواڈ میں بڑی تعداد میں نئے کھلاڑیوں کو موقع دیا جائے گا۔ ان کا کہنا تھا کہ کرکٹ کے معاملات درست سمت میں لے جانے کے لیے اقدامات کیے گئے ہیں اور اب بہتر نتائج کی توقع ہے۔
محسن نقوی نے کھلاڑیوں پر زور دیا کہ وہ شہرت حاصل کرنے کے بعد محنت کا سلسلہ ترک نہ کریں بلکہ مسلسل سیکھنے اور اپنی کارکردگی بہتر بنانے پر توجہ دیں۔
سری لنکا کے خلاف ٹیسٹ سیریز نوجوان کھلاڑیوں کے لیے اپنی صلاحیتوں کا مظاہرہ کرنے اور قومی ٹیم میں جگہ مستحکم بنانے کا اہم موقع ہوگی۔