لاہور (جانب منزل نیوز) صوبائی وزیر اطلاعات و ثقافت پنجاب عظمیٰ بخاری کی صاحبزادی ودیعت فاطمہ رشتۂ ازدواج میں منسلک ہو گئیں۔ ان کا نکاح بیرسٹر سید موسیٰ رضا کے ساتھ ہوا، جبکہ شادی کی تقریب میں وزیراعلیٰ پنجاب مریم نواز نے خصوصی شرکت کی۔
وزیراعلیٰ مریم نواز نے ودیعت فاطمہ کو ازدواجی زندگی کے نئے سفر کے آغاز پر مبارکباد پیش کی اور ان کے لیے نیک خواہشات کا اظہار کیا۔ تقریب کے دوران عظمیٰ بخاری نے وزیراعلیٰ پنجاب سے دولہا بیرسٹر سید موسیٰ رضا کا تعارف بھی کرایا۔
شادی کی تقریب میں اہم سیاسی و سرکاری شخصیات، صوبائی وزرا اور اعلیٰ حکام نے شرکت کی۔ اس موقع پر شرکا نے نوبیاہتا جوڑے کے لیے خوشگوار، کامیاب اور خوشیوں سے بھرپور ازدواجی زندگی کی دعائیں کیں۔
