اسلام آباد (جانب منزل نیوز) وفاقی دارالحکومت میں چور بے خوف ہو گئے۔۔ بہارہ کہو میں شادی کی تقریب میں گیا خاندان لٹ گیا۔ نامعلوم چور بند گھر کے تالے توڑ کر ایک کروڑ روپے سے زائد مالیت کا سونا، نقدی اور موبائل فونز سمیٹ کر فرار ہوگئے۔ مقدمہ درج ہونے کے باوجود پولیس ملزمان کا سراغ لگانے میں مکمل ناکام ہے
اسلام آباد کے علاقے بہارہ کہو میں چوری کی بڑی واردات سامنے آئی ہے، جہاں گھر والے شادی پر گئے تو چوروں نے بند مکان کو نشانہ بنا ڈالا۔ چور گھر کے تالے توڑ کر اندر داخل ہوئے اور بیس تولے سے زائد طلائی زیورات، سات عدد سمارٹ فونز اور بھاری رقم لے اڑے۔
متاثرہ خاندان کے مطابق لوٹے گئے سامان کی مجموعی مالیت ایک کروڑ روپے سے زائد ہے۔ تھانہ بہارہ کہو میں واقعے کا مقدمہ تو درج کر لیا گیا ہے،پولیس کی روایت تاخیر اور سستی کے باعث تاحال ملزمان کا کوئی سراغ نہیں لگ سکا، جس پر متاثرہ خاندان شدید سراپا احتجاج ہے
