کراچی (جانب منزل نیوز) پاکستانی اداکار سہیل سمیر نے معاشرے میں مذہبی دعوؤں اور عملی کردار کے درمیان بڑھتے تضاد پر ایک فکر انگیز پیغام شیئر کیا، جس میں انہوں نے انسان کے اخلاق، نیت اور دوسروں کے ساتھ رویے کو اصل معیار قرار دیا۔
سہیل سمیر نے لکھا کہ ہم نے دین کو الفاظ میں محفوظ کر لیا ہے، مگر کردار سے نکال دیا ہے، آج ہر شخص نصیحت میں صوفی دکھائی دیتا ہے، لیکن رویوں میں ظلم نظر آتا ہے۔
سہیل سمیر کے مطابق مسئلہ علم کی کمی نہیں بلکہ نیت کی خرابی ہے، ہماری زبانیں جنت کی باتیں کرتی ہیں، مگر اعمال دوسروں کی زندگیاں جہنم بنا دیتے ہیں۔ انہوں نے اپنے پیغام میں اس حقیقت کی نشاندہی کی کہ اسلام صرف بولنے کا نہیں بلکہ اپنے کردار اور عمل میں اتارنے کا نام ہے۔





