لاہور (جانب منزل نیوز) پاکستان کرکٹ بورڈ نے 38 قومی کرکٹرز کے نئے سینٹرل کنٹریکٹس کا اعلان کردیا، جن کی مدت 30 جون 2027 تک ہوگی۔
کنٹریکٹ لسٹ میں بابر اعظم اور سلمان علی آغا کو ٹیسٹ اور ون ڈے فارمیٹس میں شامل کیا گیا ہے، جبکہ ٹیسٹ کیٹیگری میں اذان اویس، محمد عباس، ساجد خان اور سعود شکیل کو جگہ ملی ہے۔
ون ڈے اور ٹی 20 فارمیٹس میں ابرار احمد، عرفات منہاس، فخر زمان، فہیم اشرف، حارث رؤف اور شاہین شاہ آفریدی شامل ہیں، جبکہ ٹی 20 کنٹریکٹس میں حسن نواز، معاذ صداقت، محمد سلمان مرزا، نسیم شاہ، صاحبزادہ فرحان، شاداب خان اور عثمان طارق کو شامل کیا گیا ہے۔
پی سی بی نے مستقبل کی کرکٹ کے لیے 19 کھلاڑیوں کو ڈویلپمنٹ کیٹیگری میں بھی شامل کیا ہے، یوں نئے کنٹریکٹس میں قومی ٹیم کے سینئر کھلاڑیوں کے ساتھ نوجوان ٹیلنٹ کو بھی مواقع فراہم کیے گئے ہیں۔





