راولپنڈی (جانب منزل نیوز) سری لنکا نے تیسرے ٹی 20 میچ میں پاکستان کو 8 وکٹوں سے شکست دے دی، تاہم قومی ٹیم نے تین میچوں کی سیریز 1-2 سے اپنے نام کرلی۔
پاکستان کی جانب سے دیے گئے 169 رنز کے ہدف کے تعاقب میں سری لنکا نے صرف دو وکٹوں کے نقصان پر کامیابی حاصل کرلی۔ کوشال مینڈس 87 رنز بنا کر نمایاں رہے، جبکہ کامیندو مینڈس نے 40 اور سینتھ جے وردنا نے 38 رنز اسکور کیے۔
سیریز میں شاندار کارکردگی پر پاکستان کے کپتان صاحبزادہ فرحان کو بہترین کھلاڑی قرار دیا گیا۔ ان کا کہنا تھا کہ پہلے دو میچوں میں ٹیم نے عمدہ کھیل پیش کیا، عرفات منہاس نے بھی اچھی کارکردگی دکھائی۔
صاحبزادہ فرحان نے کہا کہ ٹیم کی کوشش ہوتی ہے کہ کارکردگی میں تسلسل برقرار رکھا جائے، وہ بطور کپتان ٹیم کی مجموعی کارکردگی سے مطمئن ہیں۔
سیریز جیتنے پر وزیر مملکت برائے داخلہ طلال چوہدری نے قومی ٹیم کے کپتان صاحبزادہ فرحان کو ٹرافی پیش کی۔
تیسرے ٹی 20 میں سری لنکا نے پاکستان کو شکست دے دی، سیریز گرین شرٹس کے نام
