کیپ ٹاؤن (جانب منزل نیوز) آئی سی سی ون ڈے ورلڈ کپ 2027 کے ٹکٹس کے حصول کے لیے شائقین کرکٹ کی غیر معمولی دلچسپی سامنے آگئی، صرف 12 روز میں ڈیڑھ کروڑ سے زائد ٹکٹس کی درخواستیں موصول ہوگئیں۔
انٹرنیشنل کرکٹ کونسل کے مطابق ٹکٹوں کے لیے آئی سی سی بیلٹ رجسٹریشن میں اب تک 44 لاکھ افراد اندراج کروا چکے ہیں، جبکہ مجموعی طور پر ایک کروڑ 50 لاکھ 83 ہزار سے زائد ٹکٹس کی درخواستیں جمع کرائی جا چکی ہیں۔
آئی سی سی کا کہنا ہے کہ ٹکٹوں کے لیے دنیا کے 142 ممالک سے درخواستیں موصول ہوئی ہیں۔ شائقین کرکٹ 21 نومبر تک آئی سی سی بیلٹ کے لیے رجسٹریشن کروا سکتے ہیں۔
واضح رہے کہ آئی سی سی ون ڈے ورلڈ کپ 2027 جنوبی افریقا، زمبابوے اور نمیبیا میں کھیلا جائے گا۔ ٹکٹوں کی ریکارڈ طلب نے میگا ایونٹ کے لیے عالمی سطح پر شائقین کے جوش و خروش کو نمایاں کردیا ہے۔
ون ڈے ورلڈ کپ 2027 کے ٹکٹس کی مانگ میں ریکارڈ اضافہ
