امریکا ( جانب منزل نیوز) امریکی صدر ڈونلڈ ٹرمپ نے نوبل امن انعام نہ ملنے پر سوالات اٹھا دیے، ڈونلڈ ٹرمپ نے سوشل میڈیا پر اپنے بیان میں کہا کہ انہوں نے آٹھ جنگوں کے خاتمے میں کردار ادا کیا، جبکہ ایران اور روس یوکرین تنازع ختم کرانے کی کوششیں بھی جاری ہیں۔
امریکی صدر نے پاکستان اور بھارت کے درمیان جنگ رکوانے کو اپنی اہم کامیابی قرار دیتے ہوئے کہا کہ یہ اقدام ہی نوبل امن انعام کے لیے کافی تھا۔ ٹرمپ نے مزید دعویٰ کیا کہ انہوں نے ایران کو جوہری ہتھیار حاصل کرنے سے روکا اور مشرق وسطیٰ کو بڑی تباہی سے بچایا۔
نوبل امن انعام کی فاتح خاتون پر تنقید کرتے ہوئے ٹرمپ نے ان کی کامیابیوں پر سوال اٹھائے۔ امریکی صدر کا کہنا تھا کہ امن کے قیام کے لیے ان کی کوششوں اور کامیابیوں کی کوئی مثال نہیں ملتی اور انہوں نے تاریخ میں بڑی تعداد میں انسانی جانیں بچائی ہیں۔
ٹرمپ نے یہ دعویٰ بھی کیا کہ ماریا کورینا نے انہیں نوبل امن انعام کا سب سے زیادہ حقدار قرار دیا تھا۔
