لاہور(جانب منزل نیوز) ایچ بی ایل پی ایس ایل 12 کا کاؤنٹ ڈاؤن شروع ہو گیا ہے، اور لیگ کی باضابطہ ونڈو حتمی شکل اختیار کر چکی ہے۔ پی ایس ایل کا بارھواں ایڈیشن مسلسل دوسری بار آٹھ ٹیموں کے ساتھ 18 مارچ سے 2 مئی 2027 تک کھیلا جائے
پی ایس ایل گورننگ کونسل اور تمام آٹھ فرنچائزز کی باہمی مشاورت کے بعد ونڈو کا فیصلہ یکم ستمبر کو لندن میں ہونے والے اہم اجلاس میں کیا گیا۔
چیئرمین پی سی بی محسن نقوی کا کہنا ہے کہ پی ایس ایل 11 نے براڈکاسٹ کے نئے ریکارڈ قائم کیے اور دنیا کو لیگ کی حقیقی صلاحیت دکھائی۔ گزشتہ سیزن کے فائنل میں قذافی اسٹیڈیم میں 32 ہزار سے زائد تماشائیوں کی ریکارڈ شرکت دیکھنے کو ملی تھی، جہاں پشاور زلمی نے نو سال بعد ٹائٹل اپنے نام کیا تھا۔
سی ای او سلمان نصیر کے مطابق ونڈو کا اعلان ایک نئے دور کا آغاز ہے اور 2027 میں شائقین کو پہلے سے بھی زیادہ سنسنی خیز مقابلے دیکھنے کو ملیں گے۔ ایچ بی ایل پی ایس ایل 12 کے لیے ڈائریکٹ سائننگز، پلیئر آکشن، شیڈول اور وینیوز کی تفصیلی معلومات آئندہ مرحلے میں جاری کی جائیں گی
