ابو ظہبی (جانب منزل نیوز) پاکستانی اسٹار آل راؤنڈر شاداب خان نے کرکٹ کے میدان میں کامیابی کے بعد اپنی زندگی کا سب سے خوبصورت لمحہ اپنی ننھی بیٹی کے نام کر دیا۔ ابوظہبی ٹی 10 لیگ 2026 میں شاندار آل راؤنڈ کارکردگی پر بہترین کھلاڑی (MVP) کا اعزاز حاصل کرنے والے شاداب خان کی ایک محبت بھری ویڈیو سوشل میڈیا پر توجہ کا مرکز بن گئی۔
اسٹیڈیم سے سامنے آنے والی ویڈیو میں شاداب خان ہاتھ میں چمچماتی ٹرافی تھامے اپنی ننھی پری سے مسکراتے ہوئے کہتے ہیں ’’یہ تمہارے لیے ہے‘‘۔ باپ کی جانب سے اپنی کامیابی بیٹی کے نام کرنے کے اس خوبصورت انداز نے مداحوں کے دل جیت لیے۔
شاداب خان کی اس ویڈیو پر سوشل میڈیا صارفین محبت اور مبارک باد کے پیغامات دے رہے ہیں۔ کرکٹ کے میدان میں شاندار کارکردگی دکھانے والے شاداب نے ثابت کیا کہ بعض کامیابیاں صرف ٹرافی نہیں بلکہ اپنے پیاروں کے نام ہوتی ہیں۔





