نئی دہلی (جانب منزل نیوز) بھارت کے دارالحکومت نئی دہلی میں پہلے ایس سی او تہذیبی مکالمہ فورم کے دوران پاکستان کے وفاقی وزیر مصدق ملک توجہ کا مرکز بن گئے، بھارتی میڈیا نے بھی پاکستانی وزیر کو خصوصی کوریج دی۔
تاریخی پُرانا قلعہ میں منعقدہ فورم کے دوران مصدق ملک کی نشست بھارتی وزیراعظم نریندر مودی کے قریب رکھی گئی، جس نے تقریب کی سفارتی اہمیت کو مزید نمایاں کر دیا۔
فورم میں پاکستانی وزیر کی موجودگی، بھارتی قیادت کے قریب نشست اور خوش گوار ماحول میں میل جول نے تقریب کو میڈیا کی توجہ کا مرکز بنا دیا، جہاں دونوں ممالک کی قیادت ایک ہی پلیٹ فارم پر تہذیبی مکالمے کا حصہ بنی۔





