13 سالہ انتظار ختم ہونے کو تیار، GTA 6 کی ریلیز میں صرف ایک ہفتہ باقی، گیمنگ کی دنیا میں بڑا تہلکہ مچانے کی تیاری

دبئی (جانب منزل نیوز) دنیا بھر کے گیمنگ شائقین کے لیے بڑی خوشخبری، مشہور ویڈیو گیم گرینڈ تھیفٹ آٹو (GTA 6) کی ریلیز میں صرف سات دن باقی رہ گئے۔ راک اسٹار گیمز نے گیم کی باضابطہ ریلیز 19 نومبر 2026 مقرر کر دی ہے، جس کے بعد کھلاڑی ایک بار پھر مشہور شہر وائس سٹی کی سنسنی خیز دنیا میں قدم رکھ سکیں گے۔
نئی گیم میں جیسن اور لوسیا مرکزی کردار ہوں گے، جبکہ کھلاڑیوں کو پہلے سے زیادہ وسیع دنیا، جدید ماحول، ساحلی مناظر، مصروف شاہراہوں اور دلچسپ مشنز کا تجربہ ملے گا۔
GTA 6 پلے اسٹیشن 5 اور ایکس باکس سیریز X|S کے لیے متعارف کرائی جا رہی ہے۔ PS5 صارفین کے لیے جدید DualSense ہیپٹک فیڈبیک، تھری ڈی آڈیو اور تیز لوڈنگ جیسے فیچرز بھی شامل کیے گئے ہیں، جبکہ PS5 Pro پر گرافکس مزید بہتر ہوں گے۔
یو اے ای میں گیمرز Amazon.ae کے ذریعے گیم پری آرڈر کر سکتے ہیں۔ تاہم خریداروں کو معلوم ہونا چاہیے کہ باکس ورژن میں گیم ڈسک کے بجائے ڈیجیٹل ڈاؤن لوڈ کوڈ فراہم کیا جائے گا، جس کے لیے انٹرنیٹ کنکشن ضروری ہوگا۔
2013 میں GTA 5 کی ریلیز کے بعد اس نئی پیشکش کو گیمنگ انڈسٹری کی سب سے زیادہ انتظار کی جانے والی ریلیزز میں شمار کیا جا رہا ہے۔