ریئل میڈرڈ کی گولز کی ہیٹ ٹرک، ریسنگ سینٹینڈر کو ہوم گراؤنڈ پر شکست

اسپین (جانب منزل نیوز) اسپینش فٹبال لیگ لالیگا میں ریئل میڈرڈ نے ریسنگ سینٹینڈر کو 3-0 سے شکست دے کر مسلسل چھٹی کامیابی حاصل کرلی۔ میچ میں کائلین ایمباپے، جوڈ بیلنگھم اور یان ڈیوماندے نے گول اسکور کیے۔
میچ کے 11ویں منٹ میں ایمباپے نے پنالٹی پر گول کرکے ریئل میڈرڈ کو برتری دلائی، جبکہ 21ویں منٹ میں ارڈا گولر کے عمدہ پاس پر جوڈ بیلنگھم نے دوسرا گول اسکور کیا۔ 36ویں منٹ میں یان ڈیوماندے نے شاندار وولی کے ذریعے گیند جال میں پہنچا کر ٹیم کی برتری 3-0 کردی۔
ایمباپے کے لیے یہ کامیابی ایک ہنگامہ خیز ہفتے کے بعد اہم رہی۔ فرانسیسی اسٹار بیلن ڈی اور ایوارڈ کی دوڑ میں بائرن میونخ کے ہیری کین سے پیچھے رہ گئے، جبکہ سابق چینی رہنما ماؤ زے تنگ سے متعلق سوشل میڈیا ویڈیو پر بھی انہیں معذرت کرنا پڑی۔

تنازع کے باعث چین کے سرکاری ٹیلی ویژن نے ریئل میڈرڈ سمیت اسپینش لیگ کے بعض میچز نشر نہیں کیے۔
ریئل میڈرڈ نے مسلسل چھ میچز جیت کر اپنی پوزیشن مستحکم کرلی ہے اور تیسرے نمبر پر موجود ہے۔ ٹیم کے پوائنٹس لیگ لیڈر بارسلونا سے صرف تین کم ہیں، جبکہ شہر کی حریف ٹیم ایٹلیٹکو میڈرڈ سے ایک پوائنٹ پیچھے ہے۔
میچ کے بعد کوچ جوز مورینہو نے ٹیم کی کارکردگی پر اطمینان کا اظہار کرتے ہوئے کہا کہ پہلے ہاف میں کھلاڑیوں نے بہترین کھیل پیش کیا اور مزید گول کرنے کے مواقع بھی پیدا کیے۔