مینز ایشیا کپ رائزنگ اسٹارز ٹورنامنٹ ،،، پاک بھارت کا ٹاکرا 22 نومبر کو ہوگا

لاہور (جانب منزل نیوز) ایشین کرکٹ کونسل نے مینز ایشیا کپ رائزنگ اسٹارز ٹورنامنٹ کے شیڈول کا باضابطہ اعلان کر دیا۔ ایونٹ 19 سے 29 نومبر تک قطر میں کھیلا جائے گا، جس میں آٹھ ٹیمیں شرکت کریں گی۔
ٹورنامنٹ میں شریک ٹیموں کو دو گروپس میں تقسیم کیا گیا ہے۔ گروپ اے میں سری لنکا اے، بنگلہ دیش اے، افغانستان اے اور ہانگ کانگ شامل ہیں، جبکہ گروپ بی میں پاکستان اے، بھارت اے، نیپال اور متحدہ عرب امارات کی ٹیمیں جگہ بنانے میں کامیاب ہوئی ہیں۔
شیڈول کے مطابق پاکستان اے اپنی مہم کا آغاز 20 نومبر کو متحدہ عرب امارات کے خلاف میچ سے کرے گا۔ قومی ٹیم کا دوسرا اہم مقابلہ 22 نومبر کو روایتی حریف بھارت اے کے خلاف ہوگا، جبکہ پاکستان اے 23 نومبر کو نیپال کی ٹیم کے مدمقابل آئے گا۔
مینز ایشیا کپ رائزنگ اسٹارز نوجوان کھلاڑیوں کے لیے اپنی صلاحیتوں کے اظہار اور بین الاقوامی سطح پر اپنی شناخت بنانے کا اہم موقع ہوگا۔ شائقین کرکٹ کی نظریں پاکستان اے اور بھارت اے کے مقابلے پر مرکوز ہوں گی۔