مصباح الحق نیپال پریمیئر لیگ کی ٹیم سودرپسچم رائیلز کے ہیڈ کوچ مقرر

لاہور (جانب منزل نیوز) پاکستان کرکٹ ٹیم کے سابق کپتان اور ہیڈ کوچ مصباح الحق کو نیپال پریمیئر لیگ کی ٹیم سودرپسچم رائیلز کا ہیڈ کوچ مقرر کر دیا گیا ہے۔
مصباح الحق نے نئی ذمہ داری ملنے پر خوشی کا اظہار کرتے ہوئے کہا ہے کہ سودرپسچم رائیلز کا حصہ بننے پر بہت پُرجوش ہوں۔ نیپال میں کرکٹ کے لیے زبردست جوش و خروش پایا جاتا ہے اور وہ اس ماحول کا حصہ بننے کے منتظر ہیں۔
نیپال پریمیئر لیگ 26 اکتوبر سے 21 نومبر تک کھیلی جائے گی۔ مصباح الحق اس دوران اپنے تجربے اور کوچنگ صلاحیتوں کی مدد سے ٹیم کی کارکردگی بہتر بنانے کی کوشش کریں گے۔
واضح رہے کہ مصباح الحق پاکستان کرکٹ ٹیم کے ہیڈ کوچ کی ذمہ داریاں بھی انجام دے چکے ہیں، جبکہ حال ہی میں وہ قومی سلیکشن کمیٹی سے بھی الگ ہوگئے تھے۔