اسلام آباد (جانب منزل نیوز) پاکستان کی انفارمیشن ٹیکنالوجی ایکسپورٹ ملکی تاریخ کی دوسری ماہانہ بلند ترین سطح پر پہنچ گئی ہیں۔
سرکاری اعداد و شمار کے مطابق آئی ٹی کی ایکسپورٹ ستمبر 2026ء میں 43 کروڑ 50 لاکھ ڈالرز رہیں، سالانہ بنیادوں پر آئی ٹی برآمدات میں 18فیصد اضافہ ہوا۔
اعداد و شمار کے مطابق ماہانہ بنیادوں پر ستمبر میں آئی ٹی برآمدات میں 10 فیصد کا اضافہ ہوا، پاکستان کی آئی ٹی ایکسپورٹ مالی سال 26-2025ء میں ریکارڈ 4 ارب 60 کروڑ ڈالرز تھیں۔
سرکاری اعداد و شمار کے مطابق گزشتہ مالی سال آئی ٹی کی برآمدات میں سالانہ بنیادوں پر 20 اعشاریہ 6 فیصداضافہ ہوا تھا جبکہ مالی سال 25-2024ء میں آئی ٹی کی برآمدات کا حجم 3 ارب 80 کروڑ ڈالرز تھا۔
اعداد و شمار کے مطابق جولائی تا ستمبر 2026 کی سہ ماہی میں آئی ٹی برآمدات 1 اعشاریہ 25 ارب ڈالرز رہیں جبکہ رواں مالی سال کی پہلی سہ ماہی میں آئی ٹی ایکسپورٹ 18 فیصد بڑھیں۔
