فلوریڈا (جانب منزل نیوز) امریکی ریاست فلوریڈا کے ساحل سے سمندری طوفان ایسیاس کے ٹکرانے کے بعد بڑے پیمانے پر تباہی مچی ہے۔ طوفان کے باعث 2 افراد ہلاک جبکہ فلوریڈا، الاباما اور جارجیا میں 8 لاکھ سے زائد صارفین بجلی سے محروم ہو گئے ہیں
حکام کے مطابق ساحل سے ٹکرانے کے بعد طوفان کی شدت میں کمی آئی ہے اور یہ بعد از استوائی چکر میں تبدیل ہوگیا ہے۔ فلوریڈا اور الاباما میں درخت گرنے کے باعث جانی نقصان ہوا۔ الاباما کی ہیوسٹن کاؤنٹی میں درخت اور بجلی کی تاریں گرنے سے تمام سڑکیں بند کر دی گئی ہیں۔ فلوریڈا کے گورنر رون ڈی سینٹس نے متاثرہ علاقوں میں بجلی کی فوری بحالی اور امدادی سرگرمیوں کو اولین ترجیح قرار دیا ہے۔
انتظامیہ نے شہریوں کو خبردار کیا ہے کہ طوفان کی شدت کم ہونے کے باوجود اچانک سیلاب اور تیز ہواؤں کے پیش نظر احتیاطی تدابیر جاری رکھی جائیں، جبکہ امدادی ٹیمیں سڑکیں اور پل بحال کرنے میں مصروف ہیں۔
