میڈرڈ (جانب منزل نیوز)پاکستان کے سفارت خانے میڈرڈ نے کاسا ایشیا اور امیگوس ڈی پاکستان کے تعاون سے میڈرڈ میں پاکستانی فلم فیسٹیول میں فلم ’’ نایاب ‘‘ کی خصوصی نمائش کا اہتمام کیا۔
عمیر ناصر علی کی ہدایت کاری میں بننے والی فلم نایاب ایک نوجوان خاتون کی کہانی بیان کرتی ہے جس کا کرکٹر بننے کا خواب اسے ہمت، خاندان، چیلنجز اور اپنے مقاصد کے حصول کی جرات کے سفر پر لے جاتا ہے۔
نمائش کے موقع پر سفیر پاکستان ڈاکٹر ظہور احمد مہمان خصوصی تھے جبکہ پاکستانی اور ہسپانوی کمیونٹی سے بھی بڑی تعداد میں مداحوں نے یہ فلم دیکھی۔
