دبئی (جانب منزل نیوز) متحدہ عرب امارات کا شہر دبئی ڈیجیٹل سرکاری خدمات میں عالمی لیڈر بن گیا، 194 شہروں میں سبقت حاصل کرکے جدید ٹیکنالوجی اور اسمارٹ گورننس کا نیا معیار قائم کردیا۔
دبئی نے اقوام متحدہ کے لوکل آن لائن سروسز انڈیکس (LOSI) میں دنیا بھر کے 194 شہروں کو پیچھے چھوڑتے ہوئے پہلی پوزیشن حاصل کرلی۔ عالمی درجہ بندی میں دبئی کی یہ کامیابی ڈیجیٹل تبدیلی، شہری سہولتوں اور جدید طرزِ حکمرانی کے میدان میں اس کی نمایاں پیش رفت کا ثبوت ہے۔
آن لائن سرکاری خدمات کے عالمی جائزے میں دبئی نے اپنی مؤثر ڈیجیٹل سروسز، جدید انفراسٹرکچر اور شہریوں کو سہولتوں کی فوری فراہمی کے باعث سب سے نمایاں مقام حاصل کیا۔
اے آئی، اسمارٹ ٹیکنالوجی اور ڈیجیٹل پلیٹ فارمز کے مؤثر استعمال سے دبئی سرکاری خدمات کو مزید تیز، آسان اور عوام دوست بنانے کی جانب مسلسل پیش قدمی کررہا ہے۔
اعزاز دبئی کے اسمارٹ سٹی وژن اور مستقبل کی ڈیجیٹل دنیا میں عالمی قیادت کے عزم کو مزید مستحکم کرتا ہے۔





