لاہور (جانب منزل نیوز) قدرت کا انوکھا کرشمہ، جس ہوا کو ہم ہلکا پھلکا سمجھتے ہیں، وہ درحقیقت ہر لمحہ ہمارے پورے جسم پر زبردست دباؤ ڈال رہی ہوتی ہے۔ سائنسی اعتبار سے سطحِ سمندر پر فضائی دباؤ اتنا زیادہ ہوتا ہے کہ انسانی جسم پر کئی ٹن وزن کے برابر قوت عمل کرتی ہے، لیکن حیرت انگیز طور پر انسان نہ اس دباؤ سے کچلا جاتا ہے اور نہ ہی اسے اس بھاری بوجھ کا احساس ہوتا ہے۔
اس حیرت انگیز مظہر کی وجہ انسانی جسم کے اندر اور باہر موجود دباؤ کا قدرتی توازن ہے۔ جسم کے اندر موجود سیال مادوں اور گیسوں کا دباؤ بیرونی فضائی دباؤ کا مقابلہ کرتا ہے، جس سے جسم اپنے معمول کے افعال انجام دیتا رہتا ہے۔
یہی توازن ہمیں آسانی سے سانس لینے، چلنے پھرنے اور روزمرہ سرگرمیاں جاری رکھنے کے قابل بناتا ہے۔ گویا ہمارے اردگرد موجود ہوا کا بھاری دباؤ بھی قدرت کے بنائے ہوئے ایک غیر معمولی نظام کے تحت ہمارے لیے بالکل معمول کی بات بن جاتا ہے۔
فضا کا دباؤ نظر نہیں آتا، محسوس نہیں ہوتا، مگر انسانی زندگی کے لیے اس کا توازن بے حد ضروری ہے۔





