اسلام آباد (جانب منزل نیوز) خیبر پختونخوا میں امن و امان کی بگڑتی صورتحال کے پیش نظر وفاقی حکومت نے گورنر کے اختیارات میں اضافے کا فیصلہ کرلیا۔ ایمرجنسی کے دوران گورنر کو وسیع انتظامی اختیارات دینے کے لیے مجوزہ آرڈیننس صدر مملکت کو ارسال کردیا گیا ہے۔
وزیراعظم نے آرڈیننس صدر مملکت کو بھجوا دیا ہے، جسے وزیراعظم کی ایڈوائس پر جلد جاری کیے جانے کا امکان ہے۔ مجوزہ قانون کے تحت ایمرجنسی کی صورتحال میں گورنر کو اضافی اختیارات حاصل ہوں گے۔
ذرائع کا کہنا ہے کہ مجوزہ آرڈیننس میں خیبر پختونخوا کے 12 خصوصی اضلاع کے حوالے سے بھی گورنر کو مزید اختیارات دینے کی شق شامل ہے۔آرڈیننس کی تیاری کے باعث قومی اسمبلی کا اجلاس بھی ری شیڈول کیا گیا ہے، کیونکہ اسمبلی کا اجلاس طلب ہونے کے بعد آرڈیننس جاری نہیں کیا جا سکتا۔
خیبر پختونخوا کی صورتحال کے تناظر میں وفاقی حکومت کا یہ فیصلہ صوبے کے انتظامی اور سیاسی منظرنامے میں اہم پیش رفت قرار دیا جا رہا ہے





