بابر اعظم کی قیادت میں قومی ٹیسٹ ٹیم تیار

اسلام آباد (جانب منزل نیوز) پاکستان کرکٹ بورڈ نے سری لنکا کے خلاف دو ٹیسٹ میچز کی سیریز کے لیے قومی اسکواڈ کا اعلان کر دیا، بابر اعظم کو ٹیم کی قیادت سونپ دی گئی جبکہ تین نئے کھلاڑیوں کی شمولیت نے اسکواڈ میں تازہ جوش اور نئی امیدیں پیدا کر دی ہیں۔
قومی ٹیم میں محمد طیب عارف، علی شبیر اور ثاقب خان کو پہلی مرتبہ ٹیسٹ کرکٹ میں ملک کی نمائندگی کا موقع دیا گیا ہے۔ فاسٹ بولنگ آل راؤنڈر عامر جمال بھی اسکواڈ کا حصہ ہوں گے۔
نوجوان کھلاڑی حال ہی میں سری لنکا کے خلاف پریکٹس میچ میں اپنی صلاحیتوں کا مظاہرہ کر چکے ہیں۔ دوسری جانب علی عثمان اور عبداللہ فضل کو اسکواڈ سے ریلیز کر دیا گیا ہے۔
16 رکنی قومی اسکواڈ میں بابر اعظم (کپتان)، عامر جمال، علی شبیر، عرفات منہاس، اذان اویس، محمد عباس، محمد غازی غوری، محمد سلیمان، محمد طٰہٰ، محمد طیب عارف، رضا اللہ، سعد بیگ، سلمان علی آغا، سمیر منہاس، ثاقب خان اور سعود شکیل شامل ہیں۔
پاکستان اور سری لنکا کے درمیان پہلا ٹیسٹ 9 نومبر سے راولپنڈی کرکٹ اسٹیڈیم میں شروع ہوگا، جہاں قومی ٹیم ہوم گراؤنڈ پر فتح کے عزم کے ساتھ میدان میں اترے گی۔