العزور کے ساحل پر لگژری رہائش کا شاہکار، لوریویا کلیکشن کا پہلا منصوبہ متعارف

دبئی (جانب منزل نیوز) دبئی کی معروف رئیل اسٹیٹ کمپنی ڈی ای سی اے ڈیولپمنٹس نے لگژری پراپرٹی کے شعبے میں اہم پیش رفت کرتے ہوئے اپنی نئی پریمیم رہائشی کلیکشن ’’لوریویا کلیکشن‘‘ متعارف کرا دی۔ کمپنی نے آئندہ 6 ماہ کے دوران 3 ارب درہم سے زائد مالیت کے نئے منصوبے شروع کرنے کا اعلان بھی کیا ہے۔
دبئی میں منعقدہ خصوصی تقریب ’’دی گرینڈ انوییلنگ‘‘ میں رئیل اسٹیٹ کے نمایاں سرمایہ کاروں، ایجنسی مالکان اور صنعت سے وابستہ شخصیات نے شرکت کی، جہاں نئی کلیکشن اور کمپنی کے مستقبل کے منصوبوں کی تفصیلات پیش کی گئیں۔
لوریویا کلیکشن کے تحت پہلے مرحلے میں 10 پریمیم رہائشی منصوبے متعارف کرائے جائیں گے، جن میں دبئی، متحدہ عرب امارات کے دیگر مقامات اور بین الاقوامی منزلیں شامل ہوں گی۔
کلیکشن کے پہلے منصوبے کی رونمائی العزور، یو اے ای میں کی گئی، جہاں قدرتی مینگرووز، ساحلی مناظر اور آبی گزرگاہوں کے درمیان جدید طرزِ تعمیر کے حامل رہائشی یونٹس تیار کیے جائیں گے۔
منصوبے میں دلکش واٹر فرنٹ ویوز، اعلیٰ معیار کی سہولیات اور تفریحی سرگرمیوں کے مواقع فراہم کیے جائیں گے۔ رہائشیوں کو ساحل، مرینا، چیمپئن شپ گالف کورس اور دیگر تفریحی مقامات تک رسائی بھی حاصل ہوگی۔
کمپنی کے مطابق لوریویا کلیکشن میں شہری طرزِ زندگی، ساحلی رہائش اور قدرتی مناظر سے ہم آہنگ منصوبوں کو ترجیح دی جائے گی۔ ابتدائی 10 منصوبوں میں یورپ کے دو پراجیکٹس بھی شامل ہیں، جن میں پہاڑی علاقے میں جدید ولا کمیونٹی کی تعمیر کا منصوبہ خاص اہمیت رکھتا ہے۔
ڈی ای سی اے ڈیولپمنٹس کے شریک بانی عماد حق کا کہنا ہے کہ حقیقی لگژری صرف گھر کی قیمت نہیں بلکہ معیار، ڈیزائن اور رہائشی تجربے کا مجموعہ ہے۔
تقریب کے دوران ڈی ای سی اے ٹاپ پارٹنر ایوارڈز 2026 بھی منعقد کیے گئے، جس میں نمایاں کارکردگی دکھانے والی رئیل اسٹیٹ ایجنسیوں اور انفرادی ایجنٹس کو اعزازات سے نوازا گیا۔ نمایاں کامیابی حاصل کرنے والے دو شراکت داروں کو مرسڈیز بینز گاڑیاں بھی پیش کی گئیں۔
لوریویا کلیکشن کے آغاز اور نئے منصوبوں کے اعلان کے ساتھ ڈی ای سی اے ڈیولپمنٹس نے عالمی لگژری رئیل اسٹیٹ مارکیٹ میں اپنی موجودگی مزید مضبوط بنانے کی جانب اہم قدم اٹھایا ہے۔