دبئی (جانبِ منزل نیوز) متحدہ عرب امارات نے بانیٔ امارات شیخ زاید بن سلطان النہیان کی قومی خدمات اور ورثے کو خراجِ تحسین پیش کرنے کے لیے ہر سال 7 جنوری کو ’’زاید دی فاؤنڈر ڈے‘‘ منانے کا اعلان کیا ہے۔
صدرِ متحدہ عرب امارات شیخ محمد بن زاید آل نہیان نے سوشل میڈیا پلیٹ فارم ایکس پر اپنے پیغام میں کہا کہ یہ دن شیخ زاید کی بصیرت، حکمت اور انسانیت کی خدمت کے جذبے کو اجاگر کرنے کے لیے مختص ہوگا۔
صدر شیخ محمد بن زاید کے مطابق شیخ زاید نے متحدہ عرب امارات کے اتحاد کے قیام میں اہم کردار ادا کیا اور ملک کی ترقی کی مضبوط بنیادیں رکھیں۔ ان کی زندگی سخاوت، دانش مندی اور انسانیت کی خدمت کی روشن مثال ہے۔
انہوں نے کہا کہ اس نئے سالانہ قومی دن کا مقصد شیخ زاید کی اقدار کو آئندہ نسلوں تک پہنچانا اور ان کے اصولوں سے تحریک حاصل کرتے ہوئے متحدہ عرب امارات کی ترقی اور خوشحالی کا سفر جاری رکھنا ہے۔
’’زاید دی فاؤنڈر ڈے‘‘ کے ذریعے بانیٔ امارات کی قومی خدمات اور ان کے وژن کو یاد رکھا جائے گا، جبکہ ان کی تعلیمات نئی نسل کے لیے رہنمائی کا ذریعہ بنیں گی۔
امارات کے بانی شیخ زاید کی خدمات کو خراجِ تحسین، 7 جنوری قومی دن ہوگا
Follow Us - jmurdu.com
