سلطان آف جوہر کپ میں پاکستان کی دوسری فتح، چین کے بعد کینیڈا کو بھی پچھاڑ دیا

کوالالمپور (جانب منزل نیوز) ملائیشیا میں جاری سلطان آف جوہر ہاکی کپ میں پاکستان انڈر 21 ہاکی ٹیم نے کینیڈا کو 2-6 سے شکست دے کر ٹورنامنٹ میں مسلسل دوسری کامیابی حاصل کرلی۔
پاکستانی ٹیم نے ایونٹ میں اپنے پہلے میچ میں چین کو 3-8 سے شکست دے کر فاتحانہ آغاز کیا تھا، جبکہ کینیڈا کے خلاف کامیابی کے بعد قومی ٹیم نے اپنی فتوحات کا سلسلہ برقرار رکھا ہے۔
پاکستان انڈر 21 ہاکی ٹیم ٹورنامنٹ میں اپنا تیسرا میچ 21 اکتوبر کو میزبان ملائیشیا کے خلاف کھیلے گی۔ قومی ٹیم کی کوشش ہوگی کہ اگلے مقابلے میں بھی عمدہ کھیل پیش کرتے ہوئے کامیابی حاصل کرے۔