دبئی (جانب منزل نیوز) دبئی میونسپلٹی نے امارت بھر میں آؤٹ ڈور ایڈورٹائزنگ کے لیے نئے اصول متعارف کرا دیے ہیں۔ نئے ریگولیٹری فریم ورک کا مقصد شہری منظرنامے کی جمالیاتی خصوصیات کو بہتر بنانا، اشتہاری مواد کے معیار کو یکساں بنانا اور جدید اشتہاری ٹیکنالوجیز کے مؤثر استعمال کو فروغ دینا ہے۔
نئے گائیڈ لائنز کے تحت آؤٹ ڈور ایڈورٹائزنگ کو دبئی کے شہری ڈیزائن، آرکیٹیکچرل شناخت اور بصری ہم آہنگی سے مطابقت دینے پر زور دیا گیا ہے۔ اس ضمن میں اشتہارات کے گرافک ڈیزائن، لوگو پلیسمنٹ، امیج کوالٹی اور ٹیکسٹ کمیونیکیشن کے معیار کو بہتر بنانے پر توجہ دی جائے گی۔
ڈیجیٹل ایڈورٹائزنگ اور جدید ڈسپلے ٹیکنالوجی کے لیے یکساں تکنیکی معیارات اپنانے کے ساتھ آرٹیفیشل انٹیلی جنس اور جدید تخلیقی طریقوں کو بھی اصولوں میں شامل کیا گیا ہے۔ اس اقدام کا مقصد اشتہاری صنعت میں جدت، مؤثر ویژول کمیونیکیشن اور معیاری تشہیری حل کو فروغ دینا ہے۔
دبئی میونسپلٹی کا یہ اقدام شہری منصوبہ بندی، بصری آلودگی میں کمی اور شہر کی جمالیاتی شناخت کو برقرار رکھنے کی وسیع تر حکمت عملی سے ہم آہنگ ہے۔ نئے اصولوں کے ذریعے اشتہاری سرگرمیوں اور شہری ماحول کے درمیان بہتر توازن قائم کرنے پر توجہ دی جا رہی ہے۔
کاروباری ادارے اور شہری نئے اصولوں سے متعلق مزید معلومات کے لیے دبئی میونسپلٹی کے کال سینٹر 800900 پر رابطہ کر سکتے ہیں۔ دبئی کی ترقی کا سفر جاری ہے ۔ ایک ایسا شہر جہاں جدت، خوبصورتی اور جدید طرزِ زندگی کو خصوصی اہمیت دی جاتی ہے
