مستنصر حسین تارڑ کے اعزاز میں ادبی شام

لاہور (جانب منزل نیوز) اردو ادب کا معتبر نام، معروف ادیب اور سفرنامہ نگار مستنصر حسین تارڑ۔۔۔ جن کی تحریروں نے سفرنامہ نگاری کو نئی پہچان دی۔ الحمرا میں ان کی ادبی خدمات کے اعتراف میں بیونڈ دی بارڈرز کے عنوان سے خصوصی تقریب سجائی گئی، ملکی اور بین الاقوامی ادیبوں نے انہیں خراجِ تحسین پیش کیا۔
لاہور آرٹس کونسل الحمرا اور ای سی او کلچرل انسٹی ٹیوٹ تہران کے اشتراک سے منعقدہ تقریب میں مستنصر حسین تارڑ نے معروف دانشور ڈاکٹر اسامہ صدیق کے ساتھ گفتگو میں اپنے ادبی سفر، مشاہدات اور تخلیقی تجربات بیان کیے۔ تقریب میں ترکیہ اور ایران سے تعلق رکھنے والے ادیبوں اور دانشوروں نے آن لائن شرکت کرتے ہوئے ان کی خدمات کو سراہا۔
مقررین کا کہنا تھا کہ مستنصر حسین تارڑ کی تحریریں مختلف تہذیبوں، انسانی تجربات اور ثقافتی روایات کو سمجھنے کا مؤثر ذریعہ ہیں۔ تقریب کے اختتام پر یادگاری سووینئرز کا تبادلہ کیا گیا۔