طالبہ لائبہ کی موت، ملزمان کو قانون کے کٹہرے میں لانے کا عزم

اسلام آباد ( جانب منزل نیوز) وفاقی وزیر داخلہ محسن نقوی اور وزیر مملکت طلال چوہدری کی متوفیہ طالبہ لائبہ کے گھر آمد، سوگوار خاندان سے تعزیت کی اور فاتحہ خوانی کی۔
محسن نقوی نے کہا کہ لائبہ کی موت کے دلخراش واقعے پر ہر آنکھ اشکبار ہے، اہلخانہ کو انصاف فراہم کرنا حکومت کی ذمہ داری ہے۔ واقعے کے ذمہ داروں کو قانون کے کٹہرے میں لایا جائے گا اور ملزم سخت سزا سے نہیں بچ سکے گا۔
وزیر داخلہ کے مطابق واقعے کی ایف آئی آر درج کر لی گئی ہے، پولیس تمام پہلوؤں سے تحقیقات کر رہی ہے اور حقائق سامنے لائے جائیں گے۔
ملاقات کے موقع پر چیف کمشنر اسلام آباد، ڈی آئی جی، ایس ایس پی آپریشنز اور دیگر متعلقہ افسران بھی موجود تھے