جیکی چن کا باسکٹ بال کورٹ پر شاندار شاٹ،،، سب کو حیران کردیا

ہانگ کانگ (جانب منزل نیوز) معروف ایکشن اسٹار جیکی چن نے 72 سال کی عمر میں باسکٹ بال کورٹ پر شاندار شاٹ لگا کر تقریب میں موجود مداحوں اور منتظمین کو حیران کردیا۔
ایکشن فلموں میں اپنی غیر معمولی پھرتی اور منفرد اسٹنٹس کے باعث دنیا بھر میں شہرت رکھنے والے جیکی چن نے باسکٹ بال کورٹ پر بھی اپنی مہارت کا مظاہرہ کیا، جس نے وہاں موجود افراد کی توجہ اپنی جانب مبذول کرلی۔
جیکی چن کے اس انداز پر تقریب میں موجود افراد حیرت زدہ رہ گئے، جبکہ ان کے مداحوں کے لیے بھی یہ لمحہ خاص دلچسپی کا باعث بنا۔
واقعے کی ویڈیو سوشل میڈیا پر سامنے آنے کے بعد جیکی چن کے اس منفرد مظاہرے پر مداحوں کی توجہ مرکوز ہوگئی۔