اسلام آباد (جانب منزل نیوز) وزارت مذہبی امور نے واجبات کی دوسری قسط جمع کروانے کے شیڈول کا اعلان کر دیا۔ ترجمان مذہبی امور کے مطابق سرکاری سکیم کے تحت عازمین 5 سے 20 اکتوبر کے دوران اپنی دوسری قسط جمع کروا سکیں گے
واجبات کی ادائیگی روایتی طریقے کے بجائے صرف ‘پاک حج ایپ’ یا ‘ڈیجیٹل حج پورٹل’ کے ذریعے آن لائن موصول کی جائے گی۔ حکام نے واضح کیا ہے کہ قسط جمع کروانے سے قبل عازمین کے لیے اپنا حج میڈیکل فٹنس سرٹیفکیٹ پورٹل پر اپ لوڈ کرنا لازمی ہے
ترجمان کا مزید کہنا تھا کہ مقررہ تاریخ تک واجبات ادا نہ کرنے والوں کی حج درخواستیں منسوخ تصور ہوں گی اور ان کی جمع شدہ رقم براہ راست ان کے بینک اکاؤنٹس میں واپس منتقل کر دی جائے گی
