واشنگٹن (جانب منزل نیوز)میٹا کے سوشل میڈیا پلیٹ فارمز فیس بک اور انسٹاگرام کے متعدد ممالک میں ہزاروں صارفین کو سروسز میں بڑے پیمانے پر تعطل کا سامنا رہا۔ اماراتی نیوز ایجنسی وام کے مطابق فیس بک اور انسٹاگرام کو اتوار کی رات سے پیر کی صبح تک متعدد ممالک میں بڑے پیمانے پر تعطل کا سامنا رہا، جس کے باعث ہزاروں صارفین نے پلیٹ فارمز تک رسائی اور بعض سروسز کے استعمال میں مشکلات کی اطلاع دی۔
آئوٹیج ٹریکنگ ویب سائٹ ڈائون ڈیٹیکٹر کے مطابق امریکا سمیت متعدد ممالک میں فیس بک اور انسٹاگرام کی سروس کے حوالے سے شکایات موصول ہوئیں ۔ رائٹرز کے مطابق ڈائون ڈیٹیکٹر پر 01:11 GMT تک فیس بک کے حوالے سے 17,000 سے زیادہ اور انسٹاگرام کے حوالے سے 5,000 سے زیادہ مسائل کی رپورٹس درج کی گئی تھیں۔
ڈائون ڈیٹیکٹر مختلف ذرائع سے موصول ہونے والی رپورٹس کو جمع کرکے آن لائن سروسز میں ممکنہ تعطل کی نگرانی کرتا ہے۔
