کینیڈا (جانب منزل نیوز) کینیڈا کے صوبے برٹش کولمبیا کی نئی کابینہ میں پاکستانی نژاد شہری ذیشان واہلہ کو اہم ذمہ داری سونپ دی گئی۔ نومنتخب وزیرِ اعلیٰ لورن ڈورکسن نے انہیں وزیرِ مملکت برائے ہاؤسنگ مقرر کرکے صوبائی حکومت میں اہم منصب دیا ہے۔
وکٹوریہ کے گورنمنٹ ہاؤس میں منعقدہ خصوصی تقریب میں لورن ڈورکسن نے برٹش کولمبیا کے 38ویں وزیرِ اعلیٰ کی حیثیت سے حلف اٹھایا، جبکہ نئی کابینہ کے ارکان نے بھی اپنے عہدوں کا حلف لیا۔
ذیشان واہلہ کی اس اہم تقرری کو کینیڈا میں مقیم پاکستانی کمیونٹی کے لیے ایک خوش آئند پیش رفت قرار دیا جا رہا ہے۔ ان کی کابینہ میں شمولیت نے کینیڈا کی سیاسی اور عوامی زندگی میں پاکستانی نژاد شخصیات کی نمائندگی کو بھی نمایاں کیا ہے۔
واضح رہے کہ 24 اکتوبر 2026 کے صوبائی انتخابات کے بعد برٹش کولمبیا میں نئی حکومت تشکیل دی گئی۔





