مکہ مکرمہ (جانب منزل نیوز) مسجد حرام میں زائرین کی حفاظت، سہولت اور سیکیورٹی کو مزید مؤثر بنانے کے لیے مفت بریسلٹ سروس فراہم کی جا رہی ہے، جس کا مقصد دورانِ رش بزرگوں، بچوں اور معذور افراد کو تلاش کرنے اور ان کی مدد میں آسانی پیدا کرنا ہے۔
اس سروس کے تحت ایسے زائرین اور ان کے اہلِ خانہ کو خصوصی بریسلٹس فراہم کیے جاتے ہیں تاکہ اگر کوئی بچہ، بزرگ یا خصوصی ضروریات رکھنے والا فرد اپنے خاندان سے جدا ہو جائے تو اسے شناخت کرکے بحفاظت اہلِ خانہ تک پہنچایا جا سکے۔
مسجد حرام میں زائرین کی بڑی تعداد اور رش کے پیش نظر یہ سہولت ایک اہم حفاظتی اقدام ہے، بالخصوص عمر رسیدہ افراد، بچوں اور خصوصی افراد کے لیے، تاکہ عبادت کے دوران خاندانوں کو ذہنی اطمینان اور زائرین کو محفوظ ماحول فراہم کیا جا سکے۔





