اسلام آباد (جانب منزل نیوز) اسلام آباد پولیس میں اے ایس پی در تابش نے بطور ایس ڈی پی او کوہسار اپنی نئی ذمہ داریاں سنبھال لیں، علاقے میں امن و امان کے قیام، جرائم کی روک تھام اور شہریوں کو فوری پولیس سہولیات کی فراہمی پر خصوصی توجہ دینے کی ہدایت۔
چارج سنبھالنے کے بعد اے ایس پی در تابش نے متعلقہ پولیس افسران سے ملاقات کی اور کوہسار سرکل میں جرائم کی صورتحال، پولیس کارکردگی اور سیکیورٹی انتظامات سے متعلق تفصیلی بریفنگ لی۔
انہوں نے جرائم پیشہ عناصر کے خلاف کارروائیاں مزید تیز کرنے، پولیس کارکردگی بہتر بنانے اور شہریوں کے مسائل فوری حل کرنے پر زور دیا۔
اے ایس پی در تابش نے واضح کیا کہ شہریوں کے جان و مال کا تحفظ، مؤثر پولیسنگ اور امن و امان برقرار رکھنا پولیس کی بنیادی ترجیحات میں شامل ہے۔





