لاہور (جانب منزل نیوز) پاکستان ویمنز کرکٹ ٹیم کی تجربہ کار لیفٹ آرم اسپنر نشرہ سندھو نے اپنی بہترین بولنگ کی بدولت عالمی کرکٹ میں ایک اور نمایاں مقام حاصل کرلیا۔ آئی سی سی کی تازہ ویمنز ٹی 20 بولرز رینکنگ میں نشرہ سندھو ساتویں پوزیشن پر پہنچ گئی ہیں۔
نشرہ سندھو نے اپنی گھومتی گیندوں اور نپی تلی بولنگ سے حریف بیٹرز کو مشکلات سے دوچار کیا، جس کے نتیجے میں ان کی عالمی رینکنگ میں نمایاں بہتری آئی ہے۔
پاکستانی کرکٹ کے لیے یہ کامیابی خوش آئند قرار دی جا رہی ہے، جبکہ نشرہ سندھو کی یہ پیش رفت ویمنز کرکٹ میں پاکستان کی نمائندگی کو مزید مضبوط بنانے کا باعث بنے گی۔





