پشاور (جانب منزل نیوز) محکمہ وائلڈ لائف خیبرپختونخوا نے تیتر کے شکار کی باقاعدہ اجازت دے دی۔ سرکاری اعلامیے کے مطابق آج سے 11 جنوری 2027 تک مخصوص علاقوں میں مقررہ شرائط کے تحت شکار کیا جا سکے گا۔
اعلامیے کے مطابق شکار کی اجازت صرف ان گیم ریزروز میں ہوگی جنہیں سرکاری فہرست میں اوپن قرار دیا گیا ہے۔ شکار کے لیے چار اقسام کے پرندوں کی اجازت دی گئی ہے، جن میں سی سی سی تیتر، بلیک تیتر، گرے تیتر اور چکور شامل ہیں۔
محکمہ وائلڈ لائف نے واضح کیا ہے کہ خصوصی ہنٹنگ پرمٹ کے اجرا کے لیے شکاری کے پاس درست شوٹنگ لائسنس ہونا لازمی ہے۔ بغیر مطلوبہ اجازت اور قانونی دستاویزات کے شکار کی اجازت نہیں ہوگی۔





