یو اے ای کا جذبۂ انسانیت، غزہ کے لیے 343 ٹن امدادی سامان روانہ

الریش (خانب منزل نیوز) متحدہ عرب امارات نے فلسطینی عوام کی امداد کے لیے ایک اور اہم قدم اٹھاتے ہوئے 343 ٹن انسانی امداد غزہ پہنچا دی۔ ’’آپریشن الفارس الشهم 3‘‘ کے تحت 38 ٹرکوں پر مشتمل چار امدادی قافلے غزہ میں داخل ہوئے، جن میں خوراک اور رہائشی ضروریات کا سامان شامل ہے۔
اماراتی امدادی ٹیمیں مصر کے شہر الریش میں قائم یو اے ای ہیومینیٹیرین ایڈ لاجسٹک سینٹر میں امدادی سامان کی وصولی، درجہ بندی اور ترسیل کا عمل مسلسل جاری رکھے ہوئے ہیں۔ اس مربوط نظام کے ذریعے امدادی اشیا کو منظم انداز میں غزہ پہنچایا جا رہا ہے تاکہ ضرورت مند خاندانوں تک بروقت مدد پہنچ سکے۔