قومی کرکٹ ٹیم کا تربیتی کیمپ ختم، محسن نقوی نے کھلاڑیوں کی تیاریوں کا جائزہ لے لیا

لاہور (جانب منزل نیوز) قومی کرکٹ ٹیم کا ون ڈے ٹرائی سیریز کے لیے تربیتی کیمپ قذافی اسٹیڈیم لاہور میں اختتام پذیر ہوگیا، کھلاڑیوں نے ساڑھے تین گھنٹے تک بیٹنگ اور بولنگ کی بھرپور مشقیں کیں۔
چیئرمین پاکستان کرکٹ بورڈ محسن نقوی نے بھی قذافی اسٹیڈیم کا دورہ کیا اور قومی کھلاڑیوں کی پریکٹس کا مشاہدہ کیا۔ اس موقع پر انہوں نے ہیڈ کوچ مائیک ہیسن اور ٹیم منیجر نوید اکرم چیمہ سے ملاقات بھی کی۔
قومی ٹیم آئندہ میچ کی تیاریوں کے سلسلے میں کل شام چار بجے دوبارہ ٹریننگ کرے گی۔ پاکستان اور انگلینڈ کی ٹیمیں 25 اکتوبر کو مدمقابل ہوں گی، جس کے لیے قومی کھلاڑی اپنی تیاریوں کو حتمی شکل دیں گے۔