ممبئی (جانب منزل نیوز) نام کافی ود کرن، مگر مگ میں کافی نہیں، بالی ووڈ کے معروف فلمساز اور میزبان کرن جوہر نے اپنے مشہور پروگرام کے دوران استعمال ہونے والے مخصوص مگ کا راز کھول دیا۔
اداکارہ کرشمہ کپور کے سوال پر کرن جوہر نے انکشاف کیا کہ وہ شوٹنگ کے دوران بلیک کافی نہیں پیتے بلکہ ان کے مگ میں ڈائٹ کولڈ ڈرنک ہوتی ہے۔
کرن جوہر کے ہاتھ میں نظر آنے والا یہ مخصوص مگ طویل عرصے سے مداحوں کے تجسس کا باعث بنا ہوا تھا، تاہم ان کے تازہ انکشاف نے اس معمہ کو حل کر دیا۔
کافی ود کرن کا نیا اور آخری سیزن 14 اکتوبر کو شروع ہوا، جس کی پہلی قسط میں سلمان خان مہمان بنے۔ پروگرام کے نام اور میزبان کی اصل پسند کے درمیان دلچسپ تضاد نے ایک بار پھر توجہ حاصل کر لی ہے۔
