جدید ٹیکنالوجی کا انقلاب، دبئی کے ایئرپورٹ پر مسافروں کو ملیں گی بہتر سہولیات

دبئی (جانب منزل نیوز) مستقبل کے ہوائی سفر کو مزید آسان، آرام دہ اور خوشگوار بنانے کے لیے دبئی کی کوششیں جاری ہیں۔ ایئرپورٹ شو 2026 میں عالمی ہوا بازی کے ماہرین نے جدید ٹیکنالوجی، اے آئی اور ڈیجیٹل سہولیات کے ذریعے مسافروں کے سفری تجربے کو بہتر بنانے کے امکانات اجاگر کیے۔
دبئی ایئرپورٹس کا وژن ایسے جدید سفری نظام کو فروغ دینا ہے۔ مسافروں کو بروقت معلومات، آسان رہنمائی اور معیاری خدمات میسر ہوں۔ مصنوعی ذہانت اور ڈیجیٹل شناخت جیسی جدید ٹیکنالوجیز ایئرپورٹس کے انتظامی امور کو مزید مؤثر بنانے اور سفری مراحل کو آسان کرنے میں اہم کردار ادا کر سکتی ہیں۔
دبئی ایئرپورٹس کے چیف آپریٹنگ آفیسر ماجد الجوکر کے مطابق ہوا بازی کے شعبے سے وابستہ اداروں کے درمیان باہمی تعاون مسافروں کو مربوط اور معیاری سفری سہولیات فراہم کرنے کے لیے انتہائی اہم ہے۔
دبئی جدید منصوبہ بندی، جدید ٹیکنالوجی اور بہتر خدمات کے ذریعے اپنی فضائی رابطہ کاری کو مضبوط بنانے اور عالمی مسافروں کے اعتماد میں اضافے کے لیے کوشاں ہے۔