دبئی (جانب منزل نیوز) متحدہ عرب امارات نے عالمی سطح پر ایک اور نمایاں کامیابی حاصل کرتے ہوئے پاسپورٹ انڈیکس 2026 میں دنیا کے طاقتور ترین پاسپورٹ کا اعزاز اپنے نام کرلیا۔ یہ کامیابی امارات کی مؤثر سفارت کاری، بین الاقوامی تعاون اور دنیا بھر کے ممالک کے ساتھ مضبوط تعلقات کی عکاسی کرتی ہے۔
رپورٹ کے مطابق اماراتی پاسپورٹ رکھنے والے شہریوں کو دنیا بھر کے 182 مقامات تک پیشگی روایتی ویزا حاصل کیے بغیر سفر کی سہولت میسر ہے، جس سے بین الاقوامی سفر، کاروباری روابط اور سیاحت کے مواقع مزید وسیع ہوتے ہیں۔
متحدہ عرب امارات کی یہ کامیابی عالمی سطح پر اس کی بڑھتی ہوئی اہمیت اور بین الاقوامی شراکت داریوں کا مثبت اظہار ہے۔ مضبوط سفارتی روابط اور مختلف ممالک کے ساتھ تعاون نے اماراتی شہریوں کے لیے عالمی سفر کو آسان بنانے میں اہم کردار ادا کیا ہے۔
اماراتی پاسپورٹ کی یہ کامیابی نہ صرف ملک کے شہریوں کے لیے باعثِ فخر ہے بلکہ متحدہ عرب امارات کی ترقی، عالمی روابط اور مستقبل کے روشن امکانات کی بھی عکاس ہے۔
دنیا بھر میں اماراتی پاسپورٹ کا ڈنکا،،، 182 مقامات تک رسائی نے عالمی ریکارڈ بنا دیا
