عجمان (جانب منزل نیوز) متحدہ عرب امارات کی ریاست عجمان میں پردیس نیوز ڈیجیٹل کے زیر ا ہتمام چوتھے یو اے ای بزنس اچیور ایوارڈز کی شاندار تقریب منعقد ہوئی، جس میں پاکستانی کاروباری شخصیات کی نمایاں خدمات کو خراجِ تحسین پیش کیا گیا۔ اس موقع پر مختلف شعبہ ہائے زندگی میں عمدہ کارکردگی دکھانے والی ممتاز شخصیات کو ایوارڈز سے نوازا گیا۔
ایوارڈ حاصل کرنے والوں میں، انشورنس کے میدان میں اسٹیٹ لائف انشورنس امارات کے سیکٹر ہیڈ لیاقت علی بھٹی ، بینکنگ کے شعبے میں نیشنل بینک کے ہوم ریمٹنس بزنس کے ہیڈ راشدالسلام صدیقی، تعلیم کے شعبے پاکستان ایجوکیشن اکیڈمی کی پرنسپل مس شمائلہ احمد پرنسپل انگلش لینگوئچ سکول دبئی محمد عاطف ،
ٹریول اینڈ ٹورزم سے ڈاکٹر ظفر طاہر منی ٹراسفر کے شعبہ سے انسٹنٹ کیش کے سی او او عثمان بن رئیس ،ہوم اپلائنسس سے جنرل ٹیک کے سی ای او خاور حسین، آئل سیکٹر سے دیار گروپ کے چیئرمین عامر حسن رئیل اسٹیٹ ڈویلپر کے شعبہ سے ڈاکٹر حاجی محمد رفیق پردیسی، فنانس کے شعبہ سے ڈاکٹر ھادی شاھد شامل تھے
اس موقع پر ٹریڈ اینڈ انوسٹمنٹ قونصلر علی زیب خان نے اپنے خطاب میں کہا کہ پاکستان اور متحدہ عرب امارات کے درمیان دوستی اور تعاون کی مثال دنیا میں کم ملتی ہے۔ انہوں نے کہا کہ یو اے ای کی ترقی میں پاکستانی کمیونٹی کا کردار قابلِ فخر اور لائقِ تحسین ہے۔
انہوں نے مزید کہا کہ پاکستانی کاروباری شخصیات مختلف شعبوں میں اپنی محنت، دیانت اور پیشہ ورانہ صلاحیتوں کے ذریعے نہ صرف ملک کا وقار بلند کر رہی ہیں بلکہ دونوں ممالک کے تعلقات کو بھی مضبوط بنا رہی ہیں۔
تقریب میں پاکستان ایجوکیشنل اینڈ کلچر بورڈ کے چیئرمین حسن ابراھیم ھوکل ،گیگا گروپ کے حماد پردیسی، باہی عجمان پیلس ہوٹل کے جنرل منیجر افتخار ہمدانی، ڈیجیٹل ویژن کے سی ای او سید سلیم اختر کراچی سٹار ریسٹورنٹس کے اونر شاہد خان بنگش ،سپر فکس کے چیئر مین نوید احمد ،شارجہ سنٹر ادبی فورم کی صدر ڈاکٹر رحمینہ ظفر، پاکستان سپر مارکیٹ کے چیئرمین حاجی محمد یاسین ،پاکستان ایجوکیشنل اینڈ کلچرل بورڈ کے وائس چیئرمین راشد اشرف ،ہادی گروپ سمیر ہادی نے خصوصی شرکت کی۔
تقریب پردیس نیوز ڈیجیٹل کے زیرِ اہتمام منعقد کی گئی، جس کے آرگنائزر کاشان تمثیل تھے، جبکہ نظامت کے فرائض معروف صحافی حافظ زاہد علی اور طاہرہ رحمان نے نہایت خوبصورت انداز میں انجام دیے۔
تقریب میں مختلف شعبوں سے تعلق رکھنے والی پاکستانی کمیونٹی اور بزنس سیکٹر کی نمایاں شخصیات نے بڑی تعداد میں شرکت کی۔ شرکاء کا کہنا تھا کہ اس نوعیت کی تقریبات نہ صرف کامیاب کاروباری شخصیات کی حوصلہ افزائی کا باعث بنتی ہیں بلکہ پاکستان اور متحدہ عرب امارات کے درمیان تجارتی و سماجی روابط کو مزید مضبوط بنانے میں بھی اہم کردار ادا کرتی ہیں
عجمان میں چوتھے یو اے ای بزنس اچیور ایوارڈز کا انعقاد
